Don't Panic

Árinni kennir...

2006-06-27T01:42:00.000Z

Ég gafst upp og er fluttur burt frá Blogger, hann er búinn að vera leiðinlegur við mig...og ljótur líka.

Nýja bloggið mitt er staðsett á

http://www.blog.central.is/ofurandres

Setjið það í favorites, og sjáum hvort mér gengur ekki betur að uppfæra Blogg sem er minna þroskaheft.

Bara að pæla í hvort fólk kíkji enn á þessa síðu af gömlum vana.

2006-05-07T22:36:00.000Z

Ég er ekki hættur að blogga sko, alveg satt. Ég er bara búinn að vera upptekinn í skóla og prófum, og haft frekar lítið frá að segja. Það er mjög fljótt að komast upp í vana að blogga ekki.

Var ég búinn að minnast á hvað ég þoli ekki sumar týpur af fólki? Það eru til týpur sem eru meðal-pirrandi. T.d. gamlir kallar með hatta í umferðinni. (ég sver að það er satt, að þeir eldri karlmenn sem keyra með hatt eru í alvöru áberandi verri ökumenn en þeir sem keyra hattlausir). Svo eru dellukallar frekar pirrandi líka, þessir sem vilja helst bara tala um bíla, eða lyftingar eða startrek, eða trúarbrögðin sem þeir voru að uppgötva. (taka skal frama að til eru dellu'kallar' af báðum kynjum). Hnakkar eru gott dæmi um fólk sem er pirrandi og ekki nokkur leið að taka alvarlega sem fólk.

Mjög pirrandi er svo fólk sem t.d. trúir ekki þróunarkenningunni og fólk sem hefur lélegt sjálfsálit og setur sig þessvegna á háan hest á forsendum sem segja í raun ekkert um það t.d. hverra manna þau eru, hverja þau þekki, í hvaða landi þau fæddust, eða jafnvel af hvaða kynstofni það er.

Mest pirrandi fólk sem ég veit af hins vegar (í svona daglegu íslensku lífi) þarf að koma til sögunnar næst, þarsem Blogger virðist vera með einhvern móral. Ég þarf virkilega að fara að koma mér á einhvern annan blogstað, eitt af því sem pirrar mig mest við að blogga hérna er að geta bara sett inn pínulitla pósta.

Halldór í herinn og herinn burt?

2006-03-19T18:13:00.000Z

Herstöðvarandstæðingar mega eiga það að þeir búa til góð slagorð.

Ég er samt viss um að þeir sem fóru í kröfugöngur til að losna við herinn hér í gamla daga eru ekki alveg sáttir við þau málalok að Kaninn fari sjálfviljugur, og að það skuli helst vera fyrir þrábænir íslendinga að þeir séu ekki löngu farnir.

Ég skal ekki segja, náttúrulega löngu kominn tími á að endurhugsa þessi varnarmál. En ég skammast mín samt ekkert fyrir að segja að mér hefði liðið töluvert betur með Davíð í brúnni þegar þarf að endurskipuleggja þó svona mikilvæg atriði. Manni finnst Halldór einhvern vegin of mikil lufsa.

Og þó, það er aldrei að vita nema Dabbi hefði einfaldlega einkavætt landvarnirnar.

Neinei... í fullri alvöru þá hefur mér alltaf þótt hálfgerður aumingjaskapur að vera upp á aðra komnir með landvarnir. Ekki það að mér þyki líklegt að það komi einhvern tíma til þess að við þörfnumst alvöru landvarna. En eru ekki basic landvarnir einn af þessum hlutum sem þú vilt frekar eiga þó þú þurfir þær ekki en þurfa þó þú eigir þær ekki? Svona eins og smokkar.

P.s. ég blæs algjörlega á það að vera klukkaður í bloggleik...kannski ég díli við það síðar.

p.p.s. ég er held ég bara alveg hættur þessu 1.2.3.4. dæmi eitthvað.

Höggþéttur sími?

2006-02-21T17:49:00.000Z

Ójá, nú er komið að því sem allir hafa beðið eftir...

En fyrst þetta:

Ég lenti í því óhappi um daginn að lána Guðjóni bróður mínum símann minn til að hringja úr, meðan ég var að skutla honum heim.

Það er svosem engin ávísun á stórslys, mögulega tekur hann símann með sér óvart, eða eyðir stórfé, en í þetta skiptið missti hann símann útúr bílnum án þess að við yrðum þess varir, og þegar ég sneri við til að sækja símagreyið var einhver síma-hatarinn búinn að keyra yfir hann og brjóta skjáinn.

Þar hafið þið það, þeir sem vilja hringja í mig geta það, en SMS eru vitagagnslaus og ég get átt erfitt með að hringja frá mér, bæði af því að ég veit ekki nákvæmlega hvað er á skjánum, og af því að ég hef ekki aðgang að símaskránni.

Og hér er kominn næsti maður á lista,

Trausti Þorgeirsson
1. Við hittumst næstum aldrei lengur, það er sorglegt, en samt erum við alltaf jafn góðir vinir þegar við svo hittumst, og það er ekkert sorglegt. Þurfum að gera eitthvað skemmtilegt eins og að kíkja í bæinn eða að horfa á vídjó við tækifæri.
2. Af einhverjum ástæðum verður mér hugsað til íslenskrar bítla-eftirhermu tónlistar, get ekki útskýrt það nánar.
3. Það er ekki erfitt, við þekktumst svosem í 3. bekk, en við sátum saman í fremstu röð allan 4. bekk, svo það er það sem mér dettur í hug. Heimskulegir leikir þarsem við teiknuðum "Ef Ragnar væri bók" eða "Ef Andrés væri bókaflokkur" rugl eitthvað....það var allt ógurlega skemmtilegt. (svo höfðuð þið Ragnar og Óli alveg ótrúlegt þol fyrir því hvað við Lárus gátum rifist um frjálshyggjupólitík). Veit ekki hvort MR árin hefðu verið svipur hjá sjón án þín.
4. Hvernig gastu alltaf rústað mér í Liero? Meira að segja eftir að ég varð temmilega góður?

Gleðilegan Febrúar!!

2006-02-02T13:53:00.000Z

Eða eins og þeir kalla hann í Bandaríkjunum "Black History Month". Sem mér finnst frekar fyndið. Að gera mánuði tileinkaða einum kynþætti er svo farsakennt að það jaðrar við súrrealisma.

Það minnir mig á eitt sem angrar mig, jafnréttisbarátta er þessa dagana háð á röngum forsendum. Ég gæti skrifað heila bók um þetta, en ég er að æfa mig í að vera gagnorður svo ég ætla að setja eina setningu sem lýsir minni skoðun gagngert, og ef fólk hefur spurningar skal ég fara nánar í það næst.

"Jafnrétti, hvort sem verið er að tala um kyn, kynþætti eða trúarbrögð eru farin að snúast allt of mikið um það að allir litlu hóparnir séu jafnir...hafi jafn mikil völd, hafi sömu réttindi og forréttindi og séu jafn áberandi í samfélaginu, en ekki einfaldlega að allir hafi sama rétt burtséð frá litlu hópunum." -Andrés Helgi

Í algjörlega ótengdum fréttum vil ég svo linka á viðtal við Penn Jillette, einstaklega snjallan mann sem hefur góða innsýn. Vil ég benda öllum sem hafa áhuga á að meika það í skemmtanabransanum á að lesa þetta viðtal, og þeim sem hafa gaman af að lesa viðtöl við greinda menn sem hafa eitthvað að segja.

http://filmforce.ign.com/articles/454/454422p1.html

Svei, ég Bloggaði of mikið svo Trausti þarf víst aftur að bíða...ekki örvænta Trausti, þinn tími mun koma.

Fréttir af Andláti Mínu

2006-01-23T16:56:00.000Z

eru stórlega ýktar....Allir vita að hún og Mikki eru ennþá á lífi en virðast ekkert vera að þroskast í sambandi sínu og eru enn "awkward kærustupar" eftir ríflega 50 ára samveru.

En í fúlustu alvöru, þá er það ekkert djók hvað það verður erfitt að manna sig upp í að blogga þegar maður er búinn að lofa að blogga um eitthvað sérstakt.

Ég reifst við kennara um daginn um það hvort ég væri búinn með kúrs í verklegri heila-anatómíu. Það skrítna var að það var ég sem sagði "Hey, ég er ekkert búinn með þetta og þarf að mæta í tíma og taka próf" og hann sem sagði "Hey, þetta er skrifað hérna, þú er búinn með þetta og við reiknuðum ekki með þér í tímana...farðu heim og láttu mig í friði"

Sem betur fer kom í ljós að hann hafði rétt fyrir sér.

Höldum þá áfram:

Helgi Duurhus:
1. Þú ert eini vinur Viktors sem ég myndi ekki þora að lenda í slag við....meira að segja þegar þú varst 14 ára.
2. Dauðarokk þarsem fólk öskrar úr sér lungun í stað þess að syngja. Ég myndi gefa upp nákvæmara nafn, en þess þarf ekki, hvaða dauðarokklag sem er dugar.
3. Ég er ekki viss um að ég eigi nokkrar ljósar minningar af þér...þú ert aðallega gaurinn sem er með Viktori, man samt alltaf frekar vel eftir þegar þú lést þér leiðast meðan Viktor var í tölvunni fyrir nokkrum árum hérna. Svo man ég líka óljóst eftir því þegar þið Viktor voruð littlir og voruð saman á leikskóla og seinna grunnskóla. (já, Helgi Durhuus var einu sinni lítill)
4. Hvað varð um tónleikana síðasta föstudag?

Er með Trausta tilbúinn, en fæ ekki að blogga hann strax...Blogger eitthvað að stríða mér.

Þá eru það nokkrir í viðbót

2005-12-29T18:16:00.000Z

svei þessum blogger, ég get ekki sett inn nógu langa pósta til að gera þetta almennilega, ég verð að framá vor...en það er bara gaman.

Gunnar Jónsson:

1. Þið Guðjón bróðir minn eruð á margan hátt svo freakishly líkir að maður verður hálf hræddur...
2. Alltaf einhver svona Bítla-andi yfir þér, þá kemur mér helst til hugar Yesterday eða Octopuses Garden.
3. Einhvern tíma þegar ég skutlaði þér heim fyrir mörgum árum, held eftir partí hjá Guðjóni...eða bara þegar þið höfðuð verið að hanga lengi frameftir, þegar ég komst fyrst að því að þú værir fínn gaur en ekki bara einn annar furðulegur krakki.
4. Hvenær á Coral eftir að verða stór? Þið hafið allt til að bera sko.

Viktor Orri:

1. Ég sagði þér alltaf að ég myndi fara að nenna að hafa þig meira með þegar þú yrðir svona 16-17, og það er alveg að ganga eftir.
2. Harry Potter náttúrulega, og lagið "Why can't we be friends" af einhverri ástæðu.
3. Svei, þetta er ósanngjarnt, ég man nú óljóst eftir því þegar þú komst heim af fæðingardeildinni með mömmu, en ætli fyrsta ljósa minningin sé ekki af því þegar ég var eitthvað að kubba með þér þegar þú varst 2-3 ára og sagðist ætla að borða á þér eyrað, en þú varst ekki sáttur við það.
4. Hvað ætlarðu eiginlega að gera eftir Kvennó?

Pétur:

1. Ég á fáa vini sem ég get átt jafn háfleygar samræður við, klapp á bakið fyrir að vera einhver greindasta manneskja sem ég þekki.
2. Monty Python and the Holy Grail, og allt sem viðkemur Calvin og Hobbes (þó það séu hvorki lög né myndir)
3. Þegar ég var á fyrsta degi í seljaskóla og þú kynntir þig fyrir mér í leikfimitíma.
4. Sérðu eftir að hafa farið í skóla á Englandi?

Gleðileg Jól!

2005-12-25T22:47:00.000Z

Og Farsælt komandi...eitthvað, man aldrei hvernig þetta er.

Góð jól enn sem komið er, einstaklega skemmtilegt aðfangadagskvöld í gær þarsem afi og amma komu og snæddu með okkur kalkún. (en ekki talkúm). Veit ekki betur en að allir hafi verið hæst ánægðir með mat, félagsskap og jú, jólagjafir.

Guðjón og Viktor gáfu mér bók eftir Paulo Coelho sem heitir alkemistinn og spekin drýpur víst af henni. Pabbi og mamma gáfu mér MP3 spilara sem er náttúrulega tærasta snilld, maður er bara hræddur við að koma við þetta, mp3 spilarar eru orðnir svo litlir. Einnig fékk ég fínustu jakkaföt frá ömmu og frænda og frænku, og margt fleira.

Þá er það stundin sem allir hafa beðið eftir, og fyrsti maður á lista er:

Bogi:
1. Vistin í MR hefði verið töluvert leiðinlegri ef þín hefði ekki notið við.
2. Rapplag með byssusmellum sem ég man ekki hvað heitir.
3. Eftir vorpróf í 4. bekk þarsem ég skutlaði þér heim og við spjölluðum almennilega saman í fyrsta skipti.
4. Heldurðu að þú verðir einhvern tíma leiður á World Of Warcraft?

Skúli:
1. Þú gætir verið undarlegasti maður sem ég þekki, og ert ekkert feiminn við það.
2. Napoleon Dynamite (no offense, þú ert ekki jafn hopeless)
3. Þegar við vorum á leið á júdónámskeið á vegum MR og sátum fyrir utan og létum okkur leiðast í 5.bekk.
4. Er einhver söluvara í Nexus sem þú hefur ekki áhuga á eða gætir auðveldlega fengið áhuga á? (sama má eflaust segja um mig)

Ég kem ekki inn nema visst stórum bloggum í einu, svo fleiri koma næst...sorrý

Best að fara á næstunni að sjá þessa mynd:

2005-12-22T18:34:00.000Z

Myndin fjallar um óvinsælan einvald á afskekktri eyju, sem fer í heimsókn til New York á vegum sérviturs milljónamærings. Þar kemur í ljós að New York er honum framandi staður og hann skilur ekki hætti innfæddra. Hann lendir í miklu culture-shokki sem nær hámarki þegar hann lendir í slagsmálum við flugherinn efst á Empire State byggingunni

Fólk segir að hún sé góð.

Skemmtilegt jólaglögg í gær, þó ég hafi gert þau mistök að verða aðeins of glöggur. Gaman að þessu samt, verst að ég komst ekki í bæinn heldur bara heim í háttinn fyrir tilstilli góðra manna.

Svo er mér sagt að ballið á Broadway hafi verið skemmtilegt líka, en ég fór ekki þangað.

Hey, svo ætla ég að taka upp á því sem ég sá hjá kunningja mínum. Ef þú kommentar á bloggið mitt, þá mun ég næst þegar ég blogga segja þér eftirfarandi um þig:

1. Ég segi þér eitthvað handahófskennt um þig.
2. Ég segi þér hvaða lag/mynd minnir mig á þig.
3. Ég segi þér fyrstu ljósu minninguna mína af þér.
4. Ég spyr þig að einhverju sem ég hef velt lengi fyrir mér um þig.

Þeir sem taka þátt í þessu eru svo hvattir til að gera svipað á sínu bloggi.

Þessar peysur skulu aldeilis fá fyrir ferðina.

2005-12-21T06:30:00.000Z

Ég fékk þessa ógnarstóru og þykku flís í fótinn á mánudag, hún var meira en sentimetri að lengd og var öll inni í fætinum. Eftir að hafa grafið eftir henni með flísatöng í 20 mínútur endaði ég á að nota vasahníf og skera meðfram henni. Það er mjög pirrandi að stunda jólagjafakaup þarsem maður gengur og stendur allan daginn þegar maður er með skurð á fætinum.

Vissi að ég hefði átt að henda þessum flíspeysum.

Annars er ég búinn í prófum, held það hafi gengið ágætlega, en bíðum og sjáum. Fínt að vera laus. Fór einmitt og aflauk jólagjafakaupum strax eftir próf og keypti Terry Pratchett bók handa sjálfum mér. Í stað þess að lesa hana lognaðist ég samt bara útaf klukkan 10 og svaf til 5 í morgun. Algjört vesin.

Hey svo er jólaglögg í kvöld! Djamm, djús og margt fleira verður á boðstólum.

Að lokum vil ég svo benda á tvo linka sem mér þykja góðir. Annar er gagnlegur, hinn er fyndinn.

Ég hef í raun ekkert nýtt og fyndið að segja

2005-12-14T03:02:00.000Z

en ákvað að blogga samt því mér þykja kommentin á síðustu færslu komin út á leiðinlegan ís.

Ég ræddi við strákana, sérstaklega Fridda, eftir síðustu færslu og við erum alveg sáttir, einnig erum ég og Bergmann sáttir. Svo þakka ég bara öllum fyrir góðar undirtektir.

Ég er búinn að vera að pæla í Lín og Form.is, ég var um daginn að skila inn endanlegri tekjuáætlun fyrir árið 2005, og ég kemst ekki hjá því að finnast sumt af þessu aðallega hjá Form.is vera komið frá "varkárni" yfir í að "hrista búrin" hjá okkur. Til að geta skilað inn tekjuáætlun hjá Form.is þurfti ég að ljúka fullskráningu...þegar ég var búinn að fylla hana út, þá fékk ég helminginn af 8 stafa lykilorði, og þeir sögðu mér að til að skrá mig inn þyrfti ég að nota allt lykilorðið, hinn helminginn myndu þeir senda mér í pósti.

Þá strax fannst mér frekar langt gengið, en skil svosem að fólk vilji setja öryggið á oddinn. Mér blöskraði samt þegar ég sá bréfið frá þeim, þarsem vissulega kom hinn helmingur lykilsins, en líka bréf þarsem mér ég átti að staðfesta að ég hefði lesið notendaskilmálana, láta tvo votta skrifa undir það með mér og senda þeim svarið til baka í pósti.

Fyrr má nú aldeilis vera skriffinnskan. Leitt að vitna í teiknimynd, en þetta er það sem ég hugsaði: "Attention bureaucrat Condrad, you are about to receive a letter from the central bureaucracy"

Það er aldeilis

2005-12-09T17:44:00.000Z

Ég hélt að allir væru löngu búnir að gefast upp á að lesa þetta blogg mitt, eftir þessa helst til löngu pásu. En nei, það leynast ennþá nokkrar hræður þarna einhverstaðar.

Ótrúlegt vesin þessi húsnæðismarkaður þessa dagana, munaði minnstu að frænka mín sæti uppi með 2 hús og þyrfti að selja nýja aftur vegna þess að enginn kaupandi fékkst að því gamla...sem er nákvæmlega það sem vinur minn lennti í fyrir svona hálfu ári.

Annars er nýja húsnæðið býsna kúl, rúmgott og rétt hjá miðbænum. Hún er einmitt að fara að flytja inn á morgun.

Svo er það hitt, að enn eina ferðina gerist það að næstum allir vinir mínir fara í bústað en ekki ég... þetta er að verða eins og sjúkdómur hjá mér.

Í þetta skiptið var mér ekki einu sinni boðið, sem er soldið fúlt. Kannski ætti ég að gera eitthvað í þessum persónuleika mínum. Ég er t.d. farinn að verða svo paranoid stundum. Þetta "Öryggisráð" sem strákarnir eru með er t.d. farið að hljóma eins og grunsamlega heppileg afsökun til að gera hluti án þess að bjóða mér með.

Meh... geng svosem ekki svo langt, en það er samt eins og Helgi og Benni hafi stofnað klúbb og smátt og smátt fengið alla í vinahópnum mínum í þennan klúbb nema mig, sem veldur því að reglulega fara flestir vinir mínir að skemmta sér saman án mín. Get ekki sagt að það sé hressandi.

Á hinn bóginn get ég svosem sjálfum mér um kennt ef ég er orðinn svo leiðinlegur að fólk nennir ekki að hafa mann með lengur.

Nóg af nöldri samt...fer á eftir í Worldclass og reyni að setja annað persónulegt met. Og fer svo á morgun að hjálpa frænku minni að flytja....líklega að drepast úr harðsperrum.

p.s. ég er nú ekki mikið í svona niðurdrepandi póstum á þessu bloggi, vona að mér fyrirgefist það svona einu sinni.

Mig langar í rúm...

2005-12-07T01:05:00.000Z

þá gæti ég labbað um og spurt fólk hvort það eigi smá tíma aflögu, og um leið og einhver segir já þá tek ég tímann og fer og smíða mér samfellu til að sofa í.... því eins og allir vita þá þarf bæði tíma og rúm til að fá almennilegan nætursvefn.

Talandi um það þá hef ég verið að sjá gamla friends þætti uppá síðkastið, bæði hjá sirkus, og á spólu. Þessir þættir voru soldið hressir og fyndnir í gamla daga. Svo urðu þeir væmnir og pirrandi. (samt alltaf smá fyndnir með)

Þið skuluð samt ekki fara að pæla í að gefa mér rúm í jólagjöf, því rúm eru dýr. Og ef þið viljið endilega gefa mér dýrt, þá langar mig soldið í mp3 spilara. En annars er fullt af kúl dóti eins og bókum, geisladiskum og tölvuleikjum sem væri gaman að eiga, nú eða belti fyrir allar þessar buxur sem eru að verða of víðar á mig.

Fór í worldclass um daginn og tók max-æfingu til að sjá hvernig mér væri að ganga að styrkja mig, tók í fyrsta skipti á ævinni meira en 100 kg í bekkpressu.

Reyndar tók ég 95kg x4, 100kg x 3 og 102 kg x1...það var þungt...svo var ég neyddur í að taka 80kg x 10 og 60kg x 12 á eftir. Friddi og Addi voru algjörir harðstjórar.

Á fimmtudaginn lærum við að taka blóð í skólanum...það er fjör, mig hefur alltaf langað að gefa blóð, og nú þarf ég ekki að nota mitt eigið til þess.

Lifið heil og kommentið svo aðeins, ég á erfiðara með að halda mér við efnið að blogga ef mér líður eins og enginn lesi þetta hvorteðer.

Silly Rabbit

2005-11-20T13:08:00.000Z

...Trix are for kids?

Úffbara, óvænt djamm í gærkvöldi, fór í afmæli til Magga, ætlaði bara að vera rólegur á því, smakka á gómsætu tortilljunum hans, spjalla við fólk og fara svo heim að sofa. En Maggi hafði aðrar hugmyndir, það leið ekki á löngu áður en hann dró fram Tópas-drykk, vodka, bjór og eplasnaps og sannfærði mig um það að enginn ætti að þurfa að drekka einn á afmælinu sínu...síðar kom Símon til sögunnar, draug-syfjaður og hafði í hyggju að taka lífinu með ró, hann var nefnilega að skrópa í Hell-weekend björgunarsveitarinnar, þarsem hann var að höndla einhverja nýliða. Hann fór semsagt úr ferðinni, keyrði í bæinn og planaði að fara aftur þangað og halda áfram núna í morgun, en þarsem hann var einnig dobblaður til drykkju, þá veit ég ekki hvernig fór um þá ráðagerð.

Helgi og Friddi eru officially hættir að drekka, báðir tveir. Ég fagna þeirri ákvörðun Helga, hann er alveg nógu tjúllaður edrú eins og hann sannaði í gærkvöldi, en ég á eftir að sakna félagsskapar Fridda á djamminu...hann verður alltaf svo pirraður útí mig þegar hann er edrú en ég drukkinn (ég bara skil það ekki :-D )

Mig minnir þó að ég hafi ekki gert neinar sérstakar gloríur, ef það er undanskilið að ég var soldið pirrandi við sumt fólk og bið ég það afsökunnar...nema leiðinlegu stelpuna sem var á undan mér í röðinni á Nonnabita....hún var svo fúl að ég gerði mér far um að vera leiðinlegur í svona 1 mínútu... en hún átti það alveg skilið.

Að lokum þakka ég Magnúsi fyrir góðan mat, góðan drykk, góðan sófa og góða nótt.

Sofiði rótt.

En leiðinlegt

2005-11-15T16:00:00.000Z

Ég var svo syfjaður í gærkvöldi að ég sofnaði eldsnemma, vaknaði tvisvar um nóttina og endaði á að sofa í 14 tíma, sem er nú bara ekki í lagi. Ég lýsi mig bara heppinn að þetta passaði við stundaskrána mína, veit ekki hvað ég hefði gert ef ég hefði átt tíma klukkan 8 í morgun.

Svo dreymdi mig ósköp skrítið, Viktor var með mér í draumnum og var alltaf að tala um einhverja uppvakninga, svo það hefði verið mjög auðvelt fyrir drauminn að fara í þá átt...en nei, hausinn á mér var sko ekki á þeim buxunum, heldur fór ég í draumnum inn í bakarí og eyddi dágóðri stund í að velja mér mat...sem minnir mig á að ég er svangur.

Þið sem voruð farin að örvænta getið þakkað Ægi Mána fyrir að minna mig á að opna fyrir flóðgáttir þessarar vefsíðu. Ég var einfaldlega búinn að gleyma að blogga, mikið vesin heimafyrir, t.d. með eldhús-endurhönnunina, og svo átti amma afmæli, hún er orðin hálf 176 ára, sem er nú bara ágætis aldur þannig séð.

Svo erum við búin að vera boðin í mat hvippinn og hvappinn, fólk vorkennir okkur að eiga ekki eldhús býst ég við.

Nú fer ég að veiða mér mat, svo ég verð að blogga meira seinna. Góðar stundir.

Djamm í kvöld, því Helgi á afmæli..

2005-11-04T18:32:00.000Z

eða átti afmæli um daginn reyndar. Helgi Bergmann býður í afmælisglens, svo að það er eins gott að fara varlega, þekkst hefur að alls kyns gauragangur gangi á þegar Helgi heldur teiti.

Ég hef aldrei séð það með eigin augum, en Helgi, Benni, Maggi og fleiri gerast víst algerar hamhleypur þegar sá gállinn er á þeim, og sá andinn er í þeim. (þ.e.a.s. vínandinn)

Verst hvað það er vont veður allt í einu.

22 ára Helgi, það er ekki ómerkilegt. Til gamans má geta að ef fram fer sem horfir þá munu starfsdagar, jólafrí, páskafrí, árshátíðir, sumarfrí, helgidagar og vetrarfrí leggjast þannig saman að grunnskólar Reykjavíkur munu upplifa 22 ára helgi frá fyrsta nóvember 3459 til 31. október 3481.

En afmæli kallar á Djamm, sem ég mun taka fullan þátt í að þessu sinni. Kíki kannski á Pravda þarsem ég þekki fólk sem hefur góða afslætti þar á bæ.

Svo var mér boðið í Thanksgiving dinner í fyrsta skipti á ævinni, fer í það undir lok nóvember (enda er Thanksgiving þá). Ég veit ekkert um það, enda hef ég enga reynslu af slíku...veit bara það sem ég hef séð í amerískum sitcoms, svo ég geri ráð fyrir að borða kalkún, segja indíánabrandara og horfa á amerískan fótbolta...þó er ég ekki mikið fyrir slíkt.

Svei, ég er ekki nógu skemmtilegur bloggari í dag. Ég blogga meira síðar þegar andinn kemur yfir mig. (nei, ekki sá andi)

Brrr....ískalt

2005-10-30T01:16:00.000Z

og hálka á vegum.

Ég var að horfa á myndina History of the World Part 1, eftir Mel Brooks. Hún hlýtur að teljast með slappari myndum hans. Eitt sem ég tók sérstaklega eftir var hvað hún var Judeo-centric. Ekki það að það sé neitt að því að fjalla um gyðinga, en af mynd um mannkynið að vera, þá fókusar hún á furðu lítinn hluta af því.

Horfði líka á Bill&Teds Bogus Journey. Hún er nógu mikil steypa fyrir 2-3 Kárahnjúkavirkjanir. Skemmtileg, en ég skil alveg að sumir sem koma inn í miðja mynd og kannski hafa ekki alveg jafn skrítinn húmor og ég skuli spyrja "WTF?"

Svo er ég að taka eftir því að það er furðu algengt að pör hætti saman eftir 3-4 ár í sambandi. Meira að segja svona pör sem virðast svo fullkomin að þegar þau byrjuðu saman gleymdi maður því mjög hratt að þau hefðu ekki alltaf verið saman. Virðist samt vera að 3-4 ár sé þessi tími sem þarf til að sjá hvort samband virkar raunverulega og hvort það er það sem báðir aðillar vilja.

Svo ég mæli sterklega gegn því að fólk giftist eftir styttri samveru en það. Ekki kannski skrítið að svona stór hluti hjónabanda í hinum vestræna heimi skuli enda með skilnaði... enda eru Íslendingar sú þjóð sem geymir sjálfa giftinguna hvað lengst. Eitthvað um 70% barna hér á landi eru fædd utan hjónabands. Það er einn af hlutunum sem hneykslaðar amerískar frænkur benda á til marks um hvað við séum siðlaus.

Ég aftur á móti tel það okkur til tekna að Íslendingar hlaupa sjaldnast í að giftast fyrr en þeir eru búnir að búa saman, sofa saman og eignast jafnvel börn saman, því það er í raun ekki fyrr en þá sem fólk veit nákvæmlega með hverjum það er.

Nóg röfl í dag samt

Ái, ég fékk flís

2005-10-24T18:57:00.000Z

...þ.e.a.s. ég skar mig á flís...gólfflís.

Og það er eiginlega gróið strax.

Við erum að standa í meiriháttar endurinnréttingu niðri, síðustu tvo daga erum við búin að vera að fjarlægja allar ljótu hvítu flísarnar úr eldhúsinu og forstofunni og svo skiptum við líka um eldhúsinnréttingu og ísskáp. Þetta verður örugglega flott að verki loknu, en akkúrat núna er ég með harðsperrur í fótunum á að bogra við þetta og frekar fúll út í flísar almennt. Var að pæla í að henda flíspeysunum mínum í hefndarskyni, en ákvað að það væri of geggjað.

Jæja, nóg í bili.

Mér finnst nú alveg að fólk mætti kommentera öðru hverju.

2005-10-23T18:33:00.000Z

Nú þegar ég er farinn að blogga aftur svona hálf-reglulega finnst mér alveg að það mætti staðfesta það að einhver sé að lesa það sem ég raupa. Annars gæti ég alveg eins gert eins og 13 ára stelpur í amerískum sjónvarpsmyndum og skrifað um daginn og veginn í litla bleika bók sem ég fel svo undir koddanum mínum.

Allavega, nokkur svör eru komin við spurningum síðasta bloggliðar.

Ég gaf nokkur staup, en drakk annars allt kirsuberjasnapsið. Svo fékk ég mér daquiri sem var ógnargott, en aðeins of sætt, 1-2 bjóra og 2-3 glös af vodka í spræt. En viskíið mitt hafði gleymst hjá Fridda...líklega var það bara fyrir bestu, ég var alveg mátulegur eins og ég var. Fór oní bæ á Pravda, tókst að finna bæði afmælisbörnin og gefa þeim sitthvorn blómvöndinn. Svo tók við mjög gott djamm aðallega með Símoni, en Bogi hafði drukkið sig sauðölvaðan og fór heim að deyja rétt áður en ég kom um 11 leitið.

Við Símon skemmtum okkur þó konunglega, þósvo bara einn bjór hafi verið eftir af afmælisbjórnum.

Ég þarf samt að hafa mig aðeins hægari, ég var svo þunnur í gær að það liggur við að ég hafi kastað þriðju víddinni á glæ.

Engu að síður sé ég ekki eftir neinu og mæli með auknu djammi í hlutfall við fjárhag hvers og eins.

p.s. Kom í ljós að dularfulli öldungurinn var faðir barnsins.

Helgin er svo lengi að líða, hversu lengi má ég bíða...

2005-10-20T21:35:00.000Z

Fram á þriðjudagskvöld?

Nei, ekki aldeilis. Fóstbræður stigu feilspor er þeir sungu um þriðjudagskvöldið. En á morgun er föstudagskvöld, og aldeilis útlit fyrir mikið glens og mikið grín... og einhverja drykkju.

Það er nú um að gera að gera sér dagamun. Ég er enn að bíða eftir niðurstöðu úr lífrænu efnafræðiprófi, en lífræni efnafræðikennarinn okkar baðst forláts á töfinni. Anatómían komin í gang, og er það vel.

Á morgun, föstudag, er bekkjarpartí með meiru þarsem tvær stúlkur verða tvítugar og halda uppá sameiginlegt fertugsafmæli með bjór og bollu og tilheyrandi. Það vill svo heppilega til að Bogi gamli mun einmitt enda á sama stað þegar hann hefur lokið vísindaferð, svo við tökum djammið með trompi.

Þá eru það erfiðleikarnir. Hvernig á ég að vita hvað ég á að drekka mikið af snapsinu mínu og viskíinu áður en ég legg af stað? Vil ég vera orðinn afvelta klukkan níu? Verður nóg af bjór fyrir alla? Kemst Geirþrúður loksins að því hver rétti faðir barnsins hennar er? Hver er dularfulli öldungurinn?

Allt þetta og fleira í næsta þætti.

Good Evening Mr. Söndogko

2005-10-16T23:24:00.000Z

Mér datt í hug að ef ég flytti til útlanda gæti ég tekið upp svona eftirnafn, til að passa betur í hópinn og til að þurfa ekki að útskýra íslenskar nafnahefðir fyrir öllum útlendingum sem ég hitti. Þá kemur náttúrulega pælingin, hvaða nafn myndi ég nota?

Meina, ég get teygt mig aftur um 2-3 liði og notað Briem nafnið, eða ég gæti farið að nota Valgarðsson sem ættarnafn, en það er ekki mjög þjált. Líklega myndi ég velja eitthvað kúl, eða skálda nýtt. En það er erfitt, mér datt í hug Söndogko, og það myndi virka fínt fyrir mig. Sérstaklega af því að ég myndi líklega enda á að taka s-ið aftan af Andrés til að vera aðeins fjölþjóðlegri. Og bara íslendingar myndu fatta brandarann. (prófið að skrifa það allt, sleppum millinafninu)

Hahaha

Anyway, mig langaði á djammið um helgina, en var að gera annað á föstudaginn, og allir vinir mínir voru uppteknir á laugardaginn, svo ég sat uppi með flösku af kirsuberjasnaps, hálfa flösku af Jack Daniels and nowhere to go. Ég verð að gera betur næstu helgi.

Hvað er það annars með sumarbústaðarferðir? Síðustu 7-8 árin hafa vinir mínir leigt sumarbústaði frekar oft, en ég hef ALDREI komist með þeim. Annaðhvort er ég að vinna, eða fara í próf, eða einstaklega blankur.... Í HVERT EINASTA SKIPTI. Þetta er vesin, segi ekki nema það.

Eins og stendur samastendur reynsla mín af sumarbústaðadrykkju af einni ferð með strákum úr MR (sem var reyndar gaman þó svo við værum rólegir á því) og 2-3 bekkjarferðum í skála sem teljast eiginlega ekki undir sumarbústaði.

Anyway, nóg röfl.

Ef væri ég söngvari...

2005-09-28T22:04:00.000Z

yrði ég fljótt gjaldþrota.

Ég held ekki nótu og hef ekki mjög breitt raddsvið. Ég get tekið einstaka rokklög eins og með REM eða Pulp sæmilega, but that's it. Augljóst að tónlistargeninu er misskipt í minni fjölskyldu.

Það er svosem ekki eina genið sem er misskipt, ég gæti t.d. bundið báða bræður mína í hnút ef ég vildi, en það er erfitt að græða peninga á því... og svo gæti ég bara gert það einu sinni áður en þeir myndu skella á mig lögbanni.

Ég er bara feginn að ég hef takmarkaðan áhuga á að vera atvinnutónlistarmaður.

Meira var það ekki að sinni
Góðar stundir

p.s. Helgi, Smallville eru ekki mínir uppáhaldsþættir, en ég hef gaman af þeim og horfi á þá þegar ég get.

p.p.s. Mæli með þáttum þeirra Penn og Teller er kallast Bullshit. Bæði fyndnir og soldið fræðandi.

til að þetta blogg meiki sense

2005-09-25T00:37:00.000Z

þurfið þið fyrst að lesa síðasta blogg á undan...þetta er mikið bras allt saman

Nútímasaga úr Kjörbúðinni

kafli 2

Þegar hér er komið sögu stöndum ég og Friddi, ásamt konu með örlítið af matvöru (ber og kjöt) og erum nýbúinn að fá afgreiðslumann til að opna annan kassa þarsem það var aðeins einn kassi opinn og löng röð, og fólkið í henni með of mikið af vörum. Bara fyrir þá sem hoppuðu yfir síðasta ruglinglega kafla til að bjarga geðheilsu sinni.

En þá kemur miðaldra kona og verður á undan ungu konunni með örfáu vörurnar og strákunum með snarlið. Hún var frekar aftarlega í fyrri röðinni og greip gæsina þegar hún gafst. Gallinn var að hún var með þvílíkan hafurtask að meira að segja þó við gæfumst upp á biðinni og færum í fyrri röðina, þá vorum við búin að bíða, versla, þakka fyrir okkur og fara meðan ennþá var verið að afgreiða þessa konu.

Þetta finnst mér soldið gróft. Ekki svo gróft að ég vindi mér uppað henni og rétti henni nafnspjald, prentað á fílabeinshvítan pappír þar sem stendur með silfurbrydduðum stöfum:

Andrés Helgi Valgarðsson

Mannasiðakennari

...því þú þarft á því að halda!

og með símanúmeri, heimilisfangi og flottu lógói einhvers konar. En næstum svo gróft.

p.s. Ég biðst afsökunnar á hvað þetta varð mikið dómsdags röfl á tímabili, en því oftar sem ég þarf að endurskrifa blogg, því meiri vitleysu vindur það uppá sig í hverri endurskrift. Fyrsta útgáfan var nokkurra lína útskýring á frekju í búð.

p.p.s. Ég vildi að ég ætti svona nafnspjöld, þau gætu verið mjög gagnleg.

Ótrúlegt en satt

2005-09-25T00:03:00.000Z

Þetta er í þriðja skipti sem ég reyni að koma þessu bloggi frá mér... ef þið eruð að lesa þetta, þá þýðir það að mér tókst að publisha það og ligg ekki hárreyttur heima hjá mér með blóðhlaupin augu, röflandi eitthvað óskiljanlegt um djöfulinn í tölvunni.
Næst á dagskrá er:

Nútímasaga úr kjörbúðinni
kafli 1

Þannig var það einn fagran föstudags eftirmiðdag að tveir skólasveinar, að nafni Friddi og Andrés (that's me) lögðu leið sína í Nóatún til snarlkaupa, þar eð mikið hungur plagaði þá. En það bar til um þessar mundir að margt manns átti erindi í kjörbúð þessa og vissi enginn þeirra sitt magamál, enda sliguðust kerrur þeirra undan matarþunga, og er snarlfarar komu til kassa var einungis einn útstimplari á verði. "Hvað skal nú?" segir Friddi óttasleginn. "Eigi skal örvænta" segir snót á besta aldri, berandi körfu af kjöti og vínberjum. Þvínæst vindur hún sér að nóatúnsklæddum manni á miðjum aldri, og spyr hvort eigi sé hægt að opna aðra útstimplunarmiðstöð. "Vissulega" sagði sá nóatúnsklæddi og reisti sig upp svo skein í rauða peysuna. Þaðan stökk hann síðan beinustu leið bak við næsta borgunarkassa.
hér líkur kafla fornyrðislags

Vesin með þetta internet

2005-09-21T16:37:00.000Z

Ég hef ekki komist almennilega á netið í meira en viku, er bara að stelast til að blogga á pabba tölvu.

Sit hér veikur heima, kemst hvorki í skóla né á æfingar. Það er frekar lélegt. Er búinn að vera að fara með Fridda uppá síðkastið, og einstaka sinnum með Ástu sem er kærasta Fridda. Við erum bara orðnir býsna góðir í sumum af þessum æfingum.

Fór á djammið um helgina, það var fínt gaman, soldið leiðinlegt að finna engan sem vildi taka með mér leigubíl... hvað er málið með það annars, finnst fólki svona gaman að bíða lengur og borga meira? Það er eins og fólk pæli ekki einu sinni í því að taka leigubíl með ókunnugum, þósvo það sé 12x gáfulegra.

Maggi var að klukka mig á sínu bloggi (sjá bloggið hans, linkur við hliðina). Og ég verð því að koma með 5 staðreyndir um sjálfan mig.

Andrés Helgi...

1. Er of mikill letingi en er að reyna að vinna í því
2. Er ekki fyrir að kúra með fólki eins og Maggi, nema með stelpum í vissum kringumstæðum
3. Er einhleypur og farinn að verða soldið þreyttur á því
4. Er í sífellt betra formi... alltaf gaman að vinna í því
5. Horfir aðallega á þætti sem byrja á S

Nú má ég klukka fólk, ég klukka:

Jonna bróður minn
Trausta MRing fyrrverandi
Hjört læknanema
Pétur Gordon, eðlisfræðinema og
Ísleif Orra, núverandi meistaranema í Hagfræði

Að lokum mæli ég með að allir horfi sem mest á Scrubs (sem sjá má á RÚV á fimmtudagskvöldum, oftast í kringum 20.50)

Og þá er komið að mínu árlega bloggi...

2005-09-01T02:03:00.000Z

Haha, nei. Ég vil samt biðjast afsökunar á þessum löngu biðum milli færsla. Að einhverju leiti má kenna því um að ég hef verið að vinna næturvaktir, sem valda því að ég vinn á næturnar, sef á daginn og hef eitthvað fyrir stafni á kvöldin. En aðallega er þetta leti.

Ég var einmitt að ljúka minni síðustu vakt á Skógarbæ. Þetta er búinn að vera fínn tími, en ég er feginn að því er lokið. Það er ansi fljótt að verða þreytt að þrífa kúk skal ég segja ykkur. En hey, hvað gerir maður ekki fyrir fáránlega lág laun? (svo lág að það er að koma upp alvarleg krísa á elliheimilum)

Í öðrum fréttum er það helst að óformlegur herbergisfélagi minn lést nýverið. Hann dó úr græðgi. Hann reyndi að borða kjötbita sem svo óheppilega vildi til að var agn í músargildru. Og þarsem þessi herbergisfélagi var mús, þá reyndist það ansi banvænt.

Svei, það er samt ekkert gaman að drepa svona, en ég get ekki verið að hafa mýs inni hjá mér.

Ég hélt partí þarsíðustu helgi í tilefni af afmæli mínu, það partí stóðst allar helstu gæðakröfur og ég veit ekki betur en að allir hafi skemmt sér eins og konungar. Verra fannst mér í bænum, stóð m.a. í rigningu í hálftíma til að komast inná Hressó að hitta Ísleif, en þegar ég komst loksins inn var hann farinn. Enda skil ég það vel, ég hafði verið mun lengur en þennan hálftíma að koma mér á staðinn. Endaði á að gista hjá Fridda í 4 tíma og vera svo vakinn í kaffi og meðlæti af móður hans og kærasta hennar. Það var kærkomið mjög, en þynnkan var helst til mikil svo snemma morguns.

Nú er farið að hausta, og útlit fyrir að það sé bara eitt almennilegt sumardjamm eftir, en það verður Spírakvöldið í læknadeildinni núna á föstudaginn. Þá eiga fyrsta árs nemar að stíga á stokk og kynna sig. Ég sé fyrir mér hvernig mitt byrjar "Hæhæ, ég aftur..."

Að lokum vil ég óska öllum sem aka menntaveginn góðrar færðar í vetur

Nú er mér öllum lokið...

2005-08-20T12:13:00.000Z

Það er mús í herberginu mínu...mús! Hver er ég eiginlega? Guffi? Mýs eiga að hafa vit á að halda sig heima hjá sér.

Nú þarf ég að fara að snúa öllu við hérna inni til að finna kykvindið, og það eru hlutir í þessu herbergi sem er erfitt að snúa á hvolf svo vel sé.

Annars er nóg af músarlausum fregnum af mér líka, ég er orðinn heilu ári eldri en síðast þegar ég bloggaði, 22 ár sem ég hef hangið á þessari prýðis-plánetu.

Í tilefni af því hef ég fengið hinar ýmsustu gjafir, sumar ýmsari en aðrar. T.d. gáfu pabbi og mamma mér 10.000 kr inneign í Kringlunni (nema í Á.T.V.R. :-Þ ), sem ég er viss um að kemur í góðar þarfir við að velja föt/bækur/eitthvað. Amma gaf mér pening upp í eina bók sem mig langar í fyrir skólann, og þeir Friddi, Símon, Maggi og Helli Berg gáfu mér tölvuleik sem virðist lofa góðu.

Í kvöld ætla foreldrar mínir að spila niðrí í bæ, ásamt hinum Fræbbblunum. Og á eftir fylgir Palindrome, hljómsveitin hans Guðjóns, þetta stuð byrjar klukkan átta í sundi nálægt staðnum "Við Tjörnina". Á meðan gríp ég gæsina á lofti og býð þeim sem vilja samgleðjast mér hingað að grilla (bring your own meat), drekka og vera glaðir (eða glaðar ef svo ber undir). En þetta er ekki beint partí, heldur frekar fyrirpartí. Aðallega vegna þess að ég vil losna við fólk og fara niður í bæ að njóta menningarnætur meðan nóttin er enn ung.

En fyrst þetta: Klukkan eitt fer ég niður að öskjuhlíð, og leik fórnarlamb bílslyss í björgunarsýningu flugbjörgunarsveitarinnar.

Að lokum óska ég öllum góðrar menningarnætur og farsællar komandi þynnku.

Dauðinn er undarlegur

2005-08-03T00:39:00.000Z

Það dó kona á vakt hjá mér um daginn, ég var einn á næturvakt, en hringdi á hjúkrunarfræðing á bakvakt. Hún var með Alzheimer á háu stigi og var orðin mjög veik, svo að á eiginlega allan hátt þá var þetta með því besta sem gat komið fyrir hana úr þessu, samt sorglegt og skrítið. Þósvo manneskjan sjálf hafi verið löngu farin áður en líkaminn fylgdi á eftir.

Það er svo skrítið að hugsa um það að ég hafi unnið þarna í næstum hálft ár, baðað hana, klætt hana, matað hana og ýmislegt fleira, en hafi samt í raun aldrei hitt hana.

Líka skrítið að vera sá sem þvær líkið og pakkar því í lak.

En nóg um það, on to better things. Ömmu líður miklu betur, farin að borða reglulega og getur gengið við göngugrind, ógurlega mikil bæting. Hún kvíðir samt fyrir að þurfa annaðhvort að lifa með stoma-poka það sem eftir er, eða fara í aðra aðgerð, sem er leitt. En hún þarf að gera það upp við sig sjálf hvað hún vill.

Maður er búinn að kíkja soldið á djammið upp á síðkastið, (eplasnaps er gott ískalt btw.) og ég hef tekið eftir að þær stelpur sem ég næ bestu samskiptum við eru annaðhvort a) Lesbískar, b) á föstu með einhverjum gaurum eða c) lygarar.

Ég held að það sé aðallega um b og c að ræða samt.

Lifið heil

Þið afsakið biðina, en ég hef góða afsökun.

2005-07-19T20:07:00.000Z

Ég er mjög latur. Nei, annars er ég búinn að vera upptekinn að vinna og sofa og svona, og við að lesa nýju Harry Potter bókina.

Skemmtilegt hvernig þessar bækur þroskast, fyrsta var eiginlega bara barnabók með boðskap og skemmtilegar persónur, næsta var svo aðeins dekkri, og næsta enn dekkri, þessar nýjustu eru bara ansi alvarlegar bókmenntir... svona að vissu leiti. Allavega þannig að þær vaxa með lesendunum, þegar fyrsta bókin kom út var markhópurinn kannski 8-12 ára krakkar, en eins og bækurnar breytast með tímanum, þá henta þær alveg þessu tvítuga fólki sem krakkarnir eru þegar síðustu bækurnar koma út. Mæli með þessu allavega.

Amma er mikið betri, komin á venjulega deild, farin að mega borða súpur og slíkt, og aðeins farin að komast á fætur í göngugrind. Þetta lítur allt vel út.

Ég er endalaust mikill húmoristi (allavega í eigin augum). Þegar ég kom heim í morgun af næturvakt klukkan 8 er Viktor að borða Special K morgunmat, en bregður sér frá. Ég auðvitað greip gæsina og skipti á skeiðinni hans og teskeið...mikið hef ég gaman af sjálfum mér.

Að lokum vil ég benda fólki á að lesa þessa teiknimyndasögu um skemmtilega ofurhetju.

http://www.salon.com/comics/comics4961223.html

ÞRUMUR OG ELDINGAR!

2005-07-13T14:20:00.000Z

Ja nú er það svart maður! (a la Kolbeinn kafteinn)...Hvern hefði grunað að ég myndi ná inn um inntökuprófið. Ég fékk að vita að ég náði á mánudag, en ákvað að bíða með að blogga það þartil bréfið kæmi.

Ég var víst í 38.-39. sæti, sem er kannski ekkert svakalega glimrandi miðað við að vera í 17. sæti í fyrra skiptið mitt, en ég er bara ljónsáttur við mitt hlutskipti. Annars eru sumir sem manni þykir vænt um sem komust ekki inn, og þótti mér mjög leitt að heyra það, svo sigurvíman er blandin.

Ég er alltaf að bæta mig í worldclass, er aftur farinn að geta bekkpressað 90 kg, svo það styttist í að ég verði jafn góður og ég var í gamla daga.

Endalausir flutningar á þeim fyrrverandi skötuhjúum Einari og Nicole, nú eru þau búin að selja Laugarvegs-íbúðina og leigja út Hringbrautar-íbúðina, svo Nicole leigði kjallaraíbúðina hérna hjá okkur. Ég var að bera með þeim heilan haug í gær.

Sá Sin City aftur, hún var aftur mjög góð.

Og þá er ekki fleira í þættinum í kvöld, veriði sæl.

Sprengingar í London

2005-07-07T11:48:00.000Z

Þetta er all svakalegt, akkúrat núna er óvíst hversu margir hafa látist og slasast, en vitað er að a.m.k. 4 sprengjur sprungu í miðborg Lundúna, 1 í strætisvagni og 3 í lestarstöðvum. Herinn er víst kominn á göturnar, sem er alltaf merki um að mikið sé að.

Hryðjuverkasamtök tengd Al-Quada hafa lýst verknaðnum á hendur sér. Eftir á að hyggja er þetta frekar augljós tímasetning náttúrulega, ef maður ætlaði að sprengja í London þá er þetta rétti tíminn, G8 samkoma í Skotlandi, öll athygli lögreglu og yfirvalda beinist þangað. M.a. voru 10.000 lögreglumenn fluttir til bæjarins víðs vegar að úr landinu til að halda friðinn.

Af ömmu er hins vegar aðeins skárra að frétta. Hún er vöknuð og hress eftir atvikum, búið að minnka hjartalyfin og hún var tekin úr öndunarvél áðan. Nú er bara að vona að hjartað hafi ekki farið of illa útúr hrakningunum, og að ekki komi sýking í neitt eftir aðgerðina.

Nú verð ég að fara að sofa samt. Góðan dag.

Kominn tími fyrir eina alvarlega bloggfærslu.

2005-07-06T19:11:00.000Z

Á sunnudaginn leið Pollý ömmu minni mjög illa í maganum og var mjög uppþembd, henni leið svo illa að pabbi þorði ekki öðru en að fara með hana á bráðamóttökuna. Þeir komust að því að um einhverja garnastíflu væri að ræða, og á mánudaginn benti allt til að þetta væri ekki mjög alvarlegt og að hún ætti að geta komið heim í dag.

Í dag var mér svo sagt þegar ég vaknaði að annað hefði komið í ljós, að það væri einhver vöxtur í ristlinum sem stíflaði allt, og þeir vissu ekki hvort hann væri góðkynja eða illkynja. Hún var flutt beint í uppskurð klukkan 6 í dag.

Það eru góðar líkur á að aðgerðin heppnist, en þetta er stór aðgerð, bæði hún sjálf og svæfingin taka mjög á líkamann og þó allt fari að óskum þarf hún að vera á spítala í 10-14 daga að jafna sig og vera með stóma-poka í ótilgreindan tíma, líklega það sem eftir er. Amma er líklega hraustasti 87 ára einstaklingur sem ég þekki, bæði líkamlega og andlega, en ég hef samt miklar áhyggjur af þessu.

Vonum bara að þetta fari allt vel.

**Nýjar upplýsingar.

Aðgerðin sjálf heppnaðist vel, vöxturinn var fjarlægður og lokað fyrir. Hjartað þoldi hins vegar álagið illa, og nú er henni haldið sofandi á gjörgæslu meðan við bíðum og vonum að hjartað taki við sér.

HAHA, sá hlær best sem síðast hlær.

2005-07-02T18:36:00.000Z

Ég sýndi þessu rúmi sko hvar Davíð keypti ölið. Eftir nokkra andvökudaga, þarsem mér var oftsinnis skellt miskunnarlaust í gólfið í miðjum svefni, tók ég mig loksins til og fjarlægði fæturnar af rúminu mínu. Nú sef ég á gólfinu á dýnu sem er með stórmennskubrjálæði. Líka kominn tími til að ég fái að sofa almennilega.

Margar næturvaktir þessa dagana, fyrsta var á miðvikudagskvöld og sú síðasta næstkomandi fimmtudagskvöld. Á milli virðist ég fá frá á mánudag, en bara gegn því að vinna líka þriðjudags-morgunvakt. Mér finnst það óheyrilega asnalegt. Að þurfa að brjóta upp svefnvenjur og snúa við sólarhringnum fyrir einn dag. Þá mun ég koma heim þreyttur af næturvakt á mánudagsmorgun, sofna og vakna einhvern tíma um mánudags-eftirmiðdegi, vera úthvíldur og ekki geta sofið almennilega þá nóttina og fer ósofinn á þriðjudagsmorgun, og þarf svo að reyna að krækja í smá svefn á milli þeirrar morgunvaktar og næturvaktarinnar um þriðjudagskvöldið. Ekki að meika það sko. Ég er ekki skopparakringla.

En að öllu vinnuvæli slepptu, þá vil ég óska Guðjóni bróður góðs gengis á Hróarskeldu þarsem hann er núna, og einnig Símoni en hann er á Hróarskeldu áður en hann leggur upp í Interrail ferð.

Góðar stundir.

Kannski ætti ég ekki að kvarta...

2005-06-21T20:27:00.000Z

þessir lausu fætur á rúminu duga ágætlega til að vekja mig, ég þarf rétt að rumska, t.d. til að slökkva á vekjaraklukku, og ef ég hreyfi mig, eins og t.d. til að slökkva á vekjaraklukku, þá sturtast ég út á gólf og BÚMM! vaknaður.

Var að koma úr tveggja daga inntökuprófi í lækninn ásamt 204 öðrum. Vissulega eru einhverjir að fara í sjúkraþjálfarann, og einhverjir hætta við eða nenna ekki eða eru þarna bara til að sjá hvort þeir geti þetta. En ég þarf samt að sigra svona 100 manns til að komast inn sjáum til.

Merkilegra nokk var núna á sunnudag, þá fór ég í mat hjá afa og ömmu, ásamt frændum og frænkum og honum Bobby Fischer. Hann er áhugaverður maður, ekkert leiðinlegt að tala við hann, en heldur lýjandi þarsem talið berst alltaf að gyðingum. Ekki ætla ég samt að fara offari um allt sem við þrösuðum um kvöldið (eins og alþjóð veit þá hef ég ekki skapaðan hlut á móti gyðingum), svo ég ætla að telja upp þá hluti sem ég er sammála Bobby um.

1. Skák, eins og hún er, er leiðinleg á keppnisgrundvelli. Hún er farin að snúast miklu meira um að lesa og kunna allar byrjanir og fléttur, og löngu hætt að snúast um að vera sniðugur og finna uppá einhverju sniðugu... fín fyrir leik á milli vina, en ekkert varið í hana hvað varðar atvinnumennsku.

2. Að umskera stelpur er fáránlegt, algjörlega útí hött fáránlegt... og það er líka asnalegt að umskera stráka, allavega meðan þeir eru svona ungir. Fyrir þá sem vilja gera þetta útaf hreinlætis eða trúar ástæðum, þá ættu þeir að gera það þegar þeir eru orðnir nógu gamlir til að ákveða það sjálfir. Það er aldrei of seint að fjarlægja svona ef maður vill, en þetta verður ekki aftur tekið eftir að það er búið og gert.

3. Það er sama hvað kokkurinn er góður, ef hann fær lélegt hráefni, eða sama hráefnið alla daga, þá er ekki annað hægt en að verða leiður á því.

Þá er ekki fleira í þættinum í kvöld, veriði sæl.

What a great way to start your day...

2005-06-15T08:47:00.001Z

Var að vakna við það að tvær fætur duttu undan rúminu mínu og sturtuðu mér á gólfið. Svo þurfti ég að liggja þarna nývaknaður á gólfinu að rembast við að teygja mig nógu langt undir rúm til að ná í annan fótinn til að laga þetta...pirrandi.

Annars átti þetta blogg að vera um hvað ég er stundum þroskaheftur, ekki eins og Guðjón eigi einkarétt á því.

Um daginn kemur Guðjón inn til mín meðan ég er sofandi og biður um bíllyklana mína, ég muldra eitthvað um að þeir séu í buxnavasanum mínum, nema Guðjón hafi tekið þá. Hann segir HA? og lætur mig endurtaka þetta 2svar og spyr mig svo hvort mér finnist ekkert athugavert við þessa setningu áður en ég fatta hvað ég er að bulla. (ok, ég var sofandi... en samt)

Eitthvað á undan því var ég í worldclass að gera teygjuæfingar, þarsem ég tel í 40 sekúndur í hverri teygju, en hafði smá áhyggjur af að verða seinn í vinnu og var að reyna að finna leið til að spara tíma. Fyrsta hugmyndin mín var :"Af hverju tel ég ekki bara hraðar?"

og svo nú um daginn þegar ég hugsaði með mér: "Damn, þessar buxur eru þröngar, en í gær gat ég léttilega sett heilan hnefa á milli buxnastrengsins og magans á mér...varla hef ég fitnað svona mikið á bara einum degi, eða buxurnar skroppið svona saman..." og það var þá sem ég fattaði að ég var í belti.

En þar sem þið eruð ábyggilega ekki að lesa þetta heldur úti að leika ykkur með kók-jójó, þá skulum við ekki hafa þetta lengra í dag. Ég vil nefnilega fara aftur að sofa...nema þetta svikula rúm ætli að vera með uppsteyt. Að lokum vil ég svo benda á lista af þeim arfaheimskustu og asnalegustu manneskjum, og hlutum sem þau hafa látið útúr sér, sem ég hef á ævi minni séð...og ég hef séð ansi mikið af þessari vitleysu. Skoðið þetta, ég hef verið að eyða síðustu dögum í að angra mig yfir þessu, og mig vantar félagsskap í eymdinni.

http://www.reandev.com/taliban/

Aaaahhh!!! Sagan endurtekur sig!!

2005-06-11T02:58:00.000Z

Þetta er að gerast aftur! Ég fer að taka þátt í nýju æði og er búinn að vera að í örfáar vikur þegar kókakóla-jójóin koma aftur á markað... það er bara tímaspursmál þartil allir safna kóktöppum uppí kókjójó og enginn hefur áhuga á bloggi lengur. (sjá fyrstu bloggun)

Annars verð ég að fara að venja mig af þessum næturvöktum, ég segi svo súra brandara að það er engu líkt þegar ég sef svona skringilega. Eins og í fyrradag þegar einhver maður kom klukkan hálf níu um morgun að tala við pabba og mömmu. Þegar hann er farinn spyr ég pabba hvað hann hafi verið að gera. "Þetta var maður að athuga fyrir bílskúr", og ég segi þá í einhverri heimsku: "Núnú... en hvað kemur það okkur við?"

Þetta er ekki einu sinni fyndið sem vondur brandari.

Ég keypti mér Starcraft í einhverri flónsku um daginn, klassískur leikur, gaman að kíkja á hann eftiir öll þessi ár. Pælið í því Starcraft kom út árið 1998, það eru 7 ár síðan.... það eru næstum 9 ár!!

Héðan í frá heitir þessi dagur svefndagur.

2005-06-06T23:24:00.000Z

Úff bara, svaf til sex í dag, alltaf skrítið.

Það er ekki enn búið að gerast að við setjum geislaspilarann í bílinn, Guðjón er alltaf með bílinn þegar ég er laus, eða þá að ég er sofandi eftir næturvakt. Þetta náttúrulega gengur ekki. Maður er búinn að kaupa bönch af diskum og fær svo ekkert að hlusta á þá.

...Nú verður boðið upp á fríar auglýsingar...

Sýndi íbúð með Nicole... ef einhvern vantar flotta íbúð á Hringbraut þá hafið samband, það gengur ekki að hafa svona hangandi í loftinu að eilífu, maður fær magasár af því að geta ekki selt íbúðir lengi held ég... maður fær allavega magasár ef maður er með magasársvaldandi bakteríur í sér og nær ekki að selja íbúð lengi.

Svo ætla ég líka að auglýsa það að Pizza67 býður uppá frábærar steikur, á aðeins 1800 og eitthvað krónur, smakkaði slíkt áðan (showing apartments is hungry work). Frábær sósa og meðlæti. Engar magasárs-valdandi bakteríur í þessu.

Eggjó! Eggjó!
Eina tyggjóið með alvöru eggjabragði
Verpt af alvöru Gúmmíkjúklingum.
Eggjó fæst í öllum betri hrekkjabúðum!
-Egg Advisory Council

En að öllum auglýsingum slepptum, þá er það allavega fín tilbreyting að eiga frí í nótt frekar en að fara aftur á næturvakt. Þær eru fínar, en of margar í röð eru bömmer...sérstaklega af því þær byrja ekki fyrr en 23.30, svo maður heldur alveg að maður geti gert hitt og þetta á kvöldin, en endar alltaf á því að þurfa að hætta snemma því sem maður byrjar að gera og þurfa að hlaupa í vinnuna.

Hvurt þó í heitasta helvíti...

2005-06-02T17:14:00.000Z

Ég er hreinlega að drukkna í aumingjaskap, það náttúrulega gengur ekki að vera eitthvað að rembast við að komast aftur á fyrsta ár í lækninum meðan krakkar sem komust í gegnum inntökuprófið með mér í fyrsta skipti eru að fara að byrja á þriðja ári. Djöfuls aumingi sem maður getur verið. Þrátt fyrir að mér líki ógnarvel við þessa krakka þá breytir það því ekki að þegar ég hitti þau fæ ég sting eins og einhver sé að reka brennandi poka af hundaskít gegnum sjálfsálitið mitt.

Og það versta er að geta ekki kennt neinum öðrum um, allt minni eigin leti og mínu eigin framtaksleysi að kenna.

Once more unto the breach segja þeir. Ég gef þessu annað gó, tek þetta bölvaða inntökupróf og ef ég kemst inn, og ef ég hef stærri heila en akurhæna, þá asnast ég til að læra námsefnið almennilega í þetta skiptið.

Nóg komið af sjálfsvorkunn þó, ég meika ekki nema smá í einu. Af góðu er það að frétta að ég og Guðjón fjárfestum í geislaspilara í bílinn sem getur spilað mp3 ef svo ber undir. Símon kíkir yfir fljótlega og hjálpar mér að setja hann í samband. Það er fínt, ég er að verða leiður á þessari einu greenday kasettu sem ég er með.

Sjónvarp Skokkar...Sjónvarps Kokkar?

2005-05-31T01:11:00.000Z

Sorrý, þessi titill er of Jonnalegur... en mér fannst ég verða að búa til bloggfærslu, til að bæta upp fyrir leiðinleika síðustu færslu.

Það er rétt sem Helgi Bergmann segir, eða Helli Berg eins og hann væri kallaður ef hann væri Íslenskur sjónvarpskokkur. Maður á ekki að gera bloggfærslur sem útlista atburði dagsins hjá manni í smáatriðum.

Þessvegna datt mér í hug að rakka niður sjónvarpskokka á Íslandi, sem eru svona Naked Chef wannabe...sem meikar fullkomið sense ef maður er að pæla í mönnum eins og Jóa Fel, sem nota þáttinn sinn aðallega til að auglýsa okurbakaríið sitt, og hins vegar til að hnykla vöðvana framan í húsfreyur sem þykjast vera að fylgjast með eldamennskunni ef kallarnir spyrja.

Í þessum skilningi er Siggi Hall mun merkilegri, því hann var Naked Chef wannabe 15 árum áður en Jamie Oliver kom í sjónvarp... nei, kannski er hann ekki naked chef "viljaverandi". Ég held að þetta sé meira svona eldamennsku snobbmennska einhver... svo er hann á góðri leið með að koma sjálfum sér á stall sem sjálfskipaður Sérfræðingur Íslands í Matargerð.(SÍM). Gefur sig út fyrir að vera veraldarvanur sérfræðingur sem ferðast um að smakka á hinu og þessu og vita allt um mat. Hvað veit ég, kannski finnst honum gaman að vera SÍM, kannski er hann bara einn af þessum sem er svo heppinn að geta lifað af að gera það sem hann hefur mest gaman af. Ég veit bara að mér finnst leiðinlegt að fylgjast með báðum íslensku kokkunum. Frekar vil ég horfa á sjónvarp skokka.

You can pick your friends, and you can pick your nose...

2005-05-31T00:47:00.000Z

..but you can't pick your friends' nose.

Mikil sannindi þar á ferð.

Frí úr vinnu, sem er alltaf fjör, því það þýðir að ég sef til svona 2-3 á daginn. Þvínæst hrúguðum við bræðurnir 3 okkur í littla bílinn hennar mömmu ásamt 3 vinum Guðjóns (ef einhver lögga er að lesa þetta, þá er ég að ljúga), eftir mikið þras um hvernig væri best að koma öllum þangað sem þá langaði að fara.

Ég og Viktor komumst að lokum í worldclass, þarsem við tókum þrusuæfingu, og á eftir þrusuheitapottssetu og þrusugufubaðsferð. (ég er feginn að þetta er blogg en ekki ræða, ég myndi ekki vilja þurfa að lesa síðustu setningu upphátt, óþjáll andskoti).

Við fórum til ömmu og leigðum myndina Alexander til að horfa á með henni, virðist fín mynd þó í henni sé farið hratt yfir sögu. Hún er þó tæplega 3 tíma löng, svo við náðum ekki að klára hana áður en Guðjón kemur askvaðandi að sækja 0kkur (ég notaði núll í staðinn fyrir o, en enginn mun fatta það). Nú sé ég að ég er bara farinn að þusa eitthvað útí loftið, en það er ekki skrítið, þarsem ég er þreyttari en emúi, hafandi þurft að labba reiðinnar býsn eftir æfingu, í strætó frá worldclass, frá strætó í vídjóleigu, frá vídjóleigu til ömmu, frá ömmu í vídjóleigu að sækja spóluna sem ég hafði gleymt, og að lokum aftur til ömmu.

Að lokum vil ég óska landsmönnum öllum gleðilegs sumars og farsæls komandi árs.

Jahérna hér

2005-05-27T16:34:00.000Z

Guðjón hefur opinberlega slegið öll met... þetta er með ólíkindum.

Þeir sem þekkja hann muna eflaust eftir sögunni af því þegar hann fór niður að sækja verkjalyf og vatn handa mömmu þegar hún var veik. Hann labbar og sækir þetta, fer að hugsa um eitthvað annað, sér að hann er með verkjalyf í hendinni og gleypir þau. Síðan fer hann í tölvuna og fattar ekket fyrr en mamma fer að forvitnast um afhverju þetta taki svona langan tíma.

Þessi saga er svosem alveg nógu fyndin útaf fyrir sig. Við höfum oft sagt hana, hann hefur sjálfur oft sagt hana, og þetta er ein af þessum klassísku Guðjóns-sögum.

Í gær var svo sænska stúlkan Sara í heimsókn hjá honum, og hún var með hausverk, og Guðjón hleypur niður að sækja verkjalyf og vatn, lendir á spjalli við mömmu, tekur verkjalyfin, og bölvar sér fyrir að endurtaka leikinn.

Ótrúlegt en satt.

Af mér er það að frétta að ég á eftir eina morgunvakt, fer svo í næstu viku að vinna mestmegnis næturvaktir og verð í því út sumarið. Þó það sé fínt og borgi vel, þá kemst ég ekki hjá því að vera smá pirraður að vera að vinna 17. júní, og alla verslunarmannahelgina. Ja svei. Maður þyrfti að komast til útlanda í smá stund, slappa aðeins af. Þetta er lýjandi vinna.

øw, øw og tregang øw

2005-05-26T13:58:00.000Z

Svei svei og aftur svei, þarf ég nú að fara að skúra alla neðri hæðina... mig langar miklu meira að sitja hér og blogga um ekki neitt.

Frí úr vinnu, sem þýðir auðvitað worldclass ferð, og tiltekt heima fyrir.

Í nafni letinnar verð ég samt að blogga aðeins útí loftið áður en ég fer að gera eitthvað af viti. T.d. finnst mér alltaf stórmerkilegt að sjá að fólk skuli vera tilbúið að kaupa Fifa fótboltaleikina ár eftir ár, borgandi topp verð fyrir það sem er í meginatriðum sami leikurinn... jújú, vissulega uppfæra þeir breytingar á liðum og mönnum milli ára, og einstaka sinnum breyta þeir stýrikerfinu og bæta við, eða laga grafík. En það stendur samt uppúr að þróunarkostnaður við að framleiða þessa leiki ár frá ári er langtum lægri en að framleiða nýjan leik frá grunni. Engu að síður borgar fólk sama verð fyrir þá úr búð. Er þetta ekki soldið skrítið? Maður verður að minnsta kosti að viðurkenna að EA sports eða EA games eða hvað þetta heitir nútildags hefur ratað niður á vissa gullnámu. Ég get ekki ímyndað mér að fólk myndi kaupa nýja DOOM leiki á hverju ári. Það þætti ekkert sérlega sniðugt að eiga DOOM 2000, DOOM 2001, DOOM 2002, DOOM 2003, DOOM 2004 og DOOM 2005 uppí hillu hjá sér.

Allavega, nú þykist ég vera búinn með skylduröfl dagsins. Ef það væri einhver að lesa þetta, þá myndi ég óska þeim góðs gengis á þessum eina góða veðurdegi.

Bræður mínir eru letidýr

2005-05-24T16:14:00.000Z

Eins og alltaf er ég fyrstur með fréttirnar. Ég finn mig knúinn til að blogga, þósvo ég hafi ekkert sniðugt að segja. Það er þó gott dæmi um hversu latur Guðjón er, að í morgun vaknaði ég 3svar, við hringingu í símanum hans inni hjá honum, og hann vaknaði ekki.

Greyið manneskjan var búin að reyna að vekja hann ógnarlengi, svo ég fer á fætur, ber á dyrnar hjá honum. og segi honum að asnast til að svara í símann. Hann segir mér að láta sig í friði. Meira að segja þó ég útskýri fyrir honum að ég vildi glaður fara að sofa, en geti það ekki fyrir hávaðanum í símanum hans, þá fattar hann ekki hvað er á seyði. Auðvitað komst þetta nú inn á endanum hjá honum, en þetta getur verið alveg fáránlega erfitt.

Úff bara, það er sannarlega erfitt að erfiða.

2005-05-24T08:31:00.000Z

Var að komast að því að ég hef nú opinberlega lést um 10 kíló síðan ég byrjaði að æfa og hætti í gosi og rugli fyrir 7 vikum.

Alltaf fjör að því. Átti einmitt góðan dag með góðum vinum, fór í worldclass og svo í pottana með Viktori bróður og Helga Bergmann, frábært veður og gaman að þessu.

Svo er alveg sama hvað hver segir, ég er ekki of gamall fyrir rennibrautina.

Ókei, it's blogging time

2005-05-22T22:05:00.000Z

Bara svo maður taki þátt í nýja æðinu, 3 árum á eftir öllum öðrum. Sem er algjörlega minn stíll.

Soldið eins og þegar ég fór að pæla í körfuboltamyndum og kaupa þær, rétt áður en allir krakkarnir fóru að pæla í jójó-um. Svo við skulum sjá til hvort að fólk fer að hætta að blogga og eitthvað nýtt æði grípur um sig nú þegar ég er byrjaður.